250279557 451667479706201 4556843260180972801 n - Radio Samoa

Ofo fua atu auaunaga faalesoifua maloloina a sui mai Saina mo Samoa

Na galulue faatasi le Matagaluega o le Soifua Maloloina ma le Ofisa o le Amepasa o le Malo o Saina e faasoa le auaunaga faalesoifua maloloina ma siaki fai fua mo tagatanuu i le motu tele i Salafai i le faaiuga o le vaiaso na tea nei. 

O lenei polokalame na amata e sui o le vaega faafomai a lea malo i totonu o Samoa e ofo atu auaunaga faalesoifua maloloina o tagata o le atunuu o loo manaomia e aofia ai le siaki o le toto, vaavaai poo iai ni faama’i o loo aafia ai ma togafitiga e tatau ona faia mo le saogalemu. 

I lenei faapaaga ma le Matagaleuga o le soifua maloloina ua mafai ona faatino ai ma nisi auaunafa e pei o le siaki o le faalogo, o le vaai ma le tele o nisi vaega. E tusa ma le to’a 252 tagata i le motu tele o Salafai ua maea ona fai a latou siaki ma faatalatalanoa foi tulaga ua iai lo latou soifua maloloina.  

I le lauga autu a le afioga i le Minisita o le Soifua Maloloina Valasi Tafito Selesele i le Aso Tofi na te’a nei na ia taua ai le maua’a o le faigapaaga a malo e lua ma ua iloga foi le tele o galuega ua fesoasoani ai lea malo mo le Malo o Samoa aemaise lava o ona tagatanuu. 

E le gata i fesoaosani e ala i le siaki o tagata o le atunuu ae faapea vailaau mo le soifua maloloina ma aoaoga e ofo atu mo le faalauaiteleina o le malamalama i tulaga o faamai eseese e ono aafia ai tagata. 

Leave a Comment

Your email address will not be published. Required fields are marked *

Scroll to Top

Keep uptodate with Radio Samoa activity & promotion

* indicates required