Ua molia nei e leoleo se alii 20 tausaga le matua i lona faaoo o ni manu’aga ma le loto iai i se isi tagata, e pei ona māua lona fana ai o lē ua aafia i se laaumalosi i Papakura.
Ta’ua i lipoti mai leoleo, na o latou maua atu se alii ua manu’a i Maadi Place poo le ‘afa tonu o le itula e 2 i le vaveao o le aso 6 o Tesema.
Faamauina na pu’e faapagota ma taofia e leoleo lē ua molia i le Aso Sa, le amataga o lenei vaiaso, ma ua māua le tula’i ai i luma o le Faamasinoga Faaitumalo o Papakura e tali i o la moliaga.
Ta’ua e leoleo, o i la’ua o loo aafia i lenei matāupu e masani ma iloa lelei e le tasi le isi.
I lipoti na ta’ua ai o se laaumalosi i lona ituaiga o le sawn-off shotgun e iai talitonuga na faaaogā i le soligatulafono; faamauina na maua e leoleo i le taimi na faatino ai a latou sa’ili’iliga na faia e ala i le faaaogā ai o se pepa faataga – search warrant i se tasi o nofoaga ma se tuātusi i Papakura lava.
Māua le tugā o manu’aga o lē ua lavea ae o loo i se tulaga saogalemū e lē o tigāina, o loo iai pea i le falema’i, le Auckland City Hospital.
Puna o Faamatalaga: https://www.facebook.com/share/p/18vWvqWbPU/
