medium - Radio Samoa

Moli lanu moli Niu Sila mai ia Tesema 30, vagana ai Northland

O se tausaga fou fiafia mo vaega uma o Niu Sila seia vagana ai Northland

O lea ua faailoa mai e le tamaitai palemia, Jacinda Ardern o le a moli lanu moli Aukilani ma isi uma vaega o Niu Sila o loo moli lanu mumu I le taimi nei, mai le toe tasi le minute I le 12 o le po o le Aso Tofi, 30 o Tesema, vagana ai Northland e tumau pea I le lanu mumu

O le nofo pea o Northland ua mafua lea ona o le maualalo o le fuainumera o ona tagata ua maea faia tui, ae mo Aukilani ma isi vaega o Niu Sila ua mautinoa o le a suia I le tausaga fou I le lanu moli, o le aofaiga o tagata ua uma tui faapea cases faamaonia ua sau I lalo aemaise lava I Aukilani ua fesoasoani lea I le kapeneta ma lana faaiuga

O se tala fiafia mo le toatele o tagata aemaise pisinisi, peitai e tatau ona manatua o loo faamoemoe uma lea I le vaccine pass atoa ai ma le faatumauina pea o le faaaoga o le ufi fofoga

O le moli lanu moli o lona uiga o le a aveesea ai le toaselau o loo faatapulaa ai nei le fuainumera o tagata e mafai ona faatasitasi I fale o aiga faapea sauniga

O le tele foi o auaunaga ma fale o le a mafai ona tatala, seia vagana ai nofoaga faitele e iai faletusi ma fale aau poo pools e tatau pea ona usitaia le tasi mita e va ai ma le isi

Ma aua nei galo e mafai lea pe a iai le vaccine pass

Ae mo faatasiga e leai ni vaccine passes, e na o le 50 tagata e mafai ona faatasitasi

O le aso 17 o le masina fou e toe iloilo ai e le kapeneta le traffic light system mo le atunuu atoa

Leave a Comment

Your email address will not be published. Required fields are marked *

Scroll to Top

Keep uptodate with Radio Samoa activity & promotion

* indicates required