wTimaru - Radio Samoa

Maliliu fanau e toatolu, molia le tina o le aiga

Ua faateia aiga faapea le toatele I le tala na sau I fanau laiti e toatolu na maua ua maliliu I lo latou lava fale I Timaru

O le fanau ua maliliu o alo tamaitai uma, 6 tausaga ma le masaga e ta’ilua tausaga le matutua

O lea ua molia le tina o le aiga I moliaga o le fasiotia o I latou nei, Lauren Anne Dickason e pei ona tulai I luma o le faamasinoga faaitumalo I Timaru I le taeao o le Aso Toonai faatoa uma atu

O loo taofia nei I lalo o vaavaaiga le ua molia faatonuina ai foi le vaaia o le tulaga o iai lona mafaufau ao talia le toe tu I luma o le faamasinoga I le aso 5 o le masina fou

I ripoti ma molimau a aiga faapea I latou e iloa lenei aiga, latou te le talitonuina le mea ua tupu aemaise o lea faatoa tulaueleele I Niu Sila I le faaiuga o Aukuso ma agai ai faanofoesea I nofoaga faanofoesea

E maliliu le fanau pe tusa ma le tasi le vaiaso talu ona faamautu le aiga mai Pretoria I Aferika I Saute I lo latou fale I Queen St I Timaru

O loo galulue ai nei ma sui o le malo o loo vaaia nofoaga faanofoesea e fetuunai se avanoa mo se tasi o lea aiga e malaga mai ai I Niu Sila ao iai i lenei taimi faigata

O le tama o lea aiga, Graham Dickason o lea e le I leva ona amata o se tasi o fomai faapitoa e faia taotoga I le falemai I Timaru

Leave a Comment

Your email address will not be published. Required fields are marked *

Keep uptodate with Radio Samoa activity & promotion

* indicates required