Shane Reti Judith Collins

Lusi le tofi taitai o Collins, sui tulaga Reti mo le taimi nei

O Shane Reti le taitai fou o le vaega faaupufai ale National ua iai mo le taimi nei. O lipoti a le Newstalk ua faailoa ai ua le toe iai Judith Collins ile avanoa lea sa ia umia mo le silia ma le tausaga. O le masina o Iulai o le tausaga talu ai na filifilia ai Collins e avea ma taitai ina ua faamavae Todd Muller ile maea ai o aso e 53 ile tofiga.

O loo taua ile lipoti o le po anapo na faamatuu ane ai e Collins se pepa o faamatalaga e faailoa ai ile au faasalalau ua demote Simon Bridges ona o se faasea faasaga ia te ia ona o nisi o tuuaiga e aofia ai amio le pulea ma ni faamatalaga faia faasaga I se tasi sui tamaitai o le vaega faaupufai.

Sa fuafua e feiloai Collins ma le au tusitala ile ta o le 10 ile taeao analeila pei ona faailoa ile lipoti ile maea o le fonotaga a le caucus ile ta ole 9 peitai ile maea o le tolu itula ae agiga mai faamatalaga ua lusi le avanoa taitai o Collins ma ua sui tulaga nei iai Shane Reti seia oo ina faia se faaiuga faaiu ile mataupu ile vaiaso fou.

I luga o le twitter o loo taua ai se faamatalaga mai ia Collins e fiafia e faailoa o ia o le sui faipule mai Papakura ma ose faaaloalo maualuga le avea o ia ma taitai o le vaega faaupufai a le National I se taimi aupito sili ona faigata. Sa ia taua foi le mitamita ile lagolago sa ia maua ane mai ia Dr Shane Reti ma o le a faaauau pea ona ia finau e le gata mo papakura ae faapea foi mo tagata e le o iai ni o latou leo.

Leave a Comment

Your email address will not be published. Required fields are marked *

Scroll to Top

Keep uptodate with Radio Samoa activity & promotion

* indicates required