O le faauluuluga o le Komisi a le Iuni a Europa, le European Union Executive Commission, Ursula von der Leyen ua saunoa e faaleo lona lē fiafia tele i gaioiga a Lusia i Kyiv talu mai Iulai o le tausaga nei lea ua aofia ai ma le faaleagaina o nisi o ofisa o le Iuni i le laumua o Ukraine.
A itiiti mai pe to’a 21 tagata e aofia ai tamaiti e to’afā na fasiotia ma le to’atele o isi o loo manunu’a i osofa’iga a Lusia i Ukraine.
O se fale fogafale lima ua faaleagaina atoa ai ma le ofisa o le Iuni ma le ofisa o Peretania e lalata ane na faaleagaina foi.
Fai mai vaega’au a Ukraine e pei ona lipotia e le BBC e lata i 600 drones ma le silia ma le 30 o ‘au’upega fana mamao na faaaogā ane i osofa’iga a Lusia i le masina lava ia lenei ma o le to’atele ua maliliu sa i totonu o le fale fogafale lima lea ua faaleagaina.
Ua tuua’ia e le Palemia o Peretania, Kier Starmer, Vladimir Putin i le faaleagaina o se faamoemoe mo se filemu ae fai mai le faauluuluga o le ofisa o le EU, Kaja Kallas ua faailoa e Lusia lana faai’uga sa faia ma le mautinoa e taufaalili ane i taumafaiga o loo faia mo se filemu.
Fai mai le ta’ita’i o Siamani, Friedrich Merz ua toe faaali lava foi foliga moni o Lusia.
Puna o Faamatalaga: https://www.bbc.com/news/articles/cvg3y7m2gz0o
