Ua faailoa e le Palemia o Isaraelu o Benjamin Netanyahu o le vaega lona lua o le fuafuaga o le filemu a Amerika e faamuta ai le taua i Gaza, ua tapunia nei ae o loo iai lava nisi matāupu autū o loo mana’omia ona faamae’aina.
I lalo o le vaega lona lua lea o le Peace Plan a Donald Trump e tatau ai ona aga’i ese fitafita a Isaraelu mai Gaza ae aga’i atu se vaega o fitafita faavaomalo.
O le Hamas e tatau ona aveese uma a latou ‘au’upega ma amata loa le galuega toe faaleleia i Gaza.
I le faatalanoaga a Netanyahu ma le autusitala na ia ta’ua ai o le a faia ni a latou faatalanoaga tāua ma le Peresetene o Amerika i le faai’uga o le masina e faamautū ai ua ausia faamoemoega uma o le vaega lona lua lea o le Peace Plan.
Ta’ua foi e Netanyahu o le isi fesili o loo tula’i mai pea, pe mafai e le vaegā’au faavaomalo lea ona aveesea faamalosi ‘au’upega a le Hamas.
Puna o Faamatalaga: https://www.bbc.com/news/articles/c0r90gkzkezo
