Ua faailoa e le militeli a Isaraelu ua amata a latou gaioiga i le fuafuaga e pei ona mae’a faailoa o le mauaina lea ma le nofoia o le aai o Gaza.
Fai mai le militeli ua iai a latou vaega’au i faaitu e pei o Zeltoun ma Jabalia e faamautū le galuega o loo mana’omia ona faatino ma ua ioeina e le minisita o le puipuiga a Isaraelu o Israel Katz.
Lipotia e le BBC pe ā ma le 60 afe le ‘aufaaleoleo a le militeli ua valaauina e aga’i ane mo lea faamoemoe.
Ua tuua’ia ai e le Hamas Isaraelu i lo latou faalavelavegia o maliega mo se filemu i le faaitu lea ae faaauau ai a latou osofa’iga i tagata lautele.
Ua faailoa la i le lipoti o le faitau afe o tagata Palesitina i Gaza City ua fuafua o le a faatonuina e aga’i ese mai ma aga’i atu i nofoaga i le itu i Saute o Gaza a o faagasolo fuafuaga a Isaraelu.
Puna o Faamatalaga: https://www.bbc.com/news/articles/clyr7l0z9edo
