A o feagai pea le Matāgaluega o Leoleo ma faafitauli e tusa ai ma aga lē tautamalii ma aga lē taualoa o ē sa faauluulu iai le auaunaga, aemaise o tuua’iga o soligatulafono tau feusua’iga poo le sexual ofending, ae o lea ua oo mai tala i le aafia ai o le Komesina Richard Chambers i lona solia ai o tulafono tau taavale afi ma le iai i luga o auala tetele.
Faaalia na ioe lava Chambers i lona ave taavale masau, e pei ona taofia ai lana taavale, ma tuuina iai se sala.
I lipoti e faapea, na tula’i mai lea matāupu i le toe foi mai o le alii komesina mai se faauuga mo ē na faatautaia i le aso o 6 o lenei masina.
Māua le saoasaoa tele o le alu o le taavale na malaga mai ai o ia.
Faamauina sa ia avaeina se taavale savili a leoleo (unmarked police car) ma e 111 kilomita i le itulā na alu ai le taavale i se sone e na o le 100 kilomita i le itula le masau e tatau ona alu ai le taavale i le auala o le SH2.
E le’i poi pe na ‘alo foi faamatalaga a Chambers i le mea ua tupu, ma ia faamatala o se gaioiga e matua’i faavalevalea tele, ona sa tatau lava ia te ia o le Komesina ona māta’itūina lona aga’i ai i luga o le auala.
Na tuuina atu se sala tupe ia Chambers e $80 ma na ia talia lava ma totogi lea sala.
Na faamālūlū le alii Komesina, a o iai i le faauuga o sui fou a le matāgaluega (recruit) ma na ia faaalia le moomia ai e sui o le auaunaga e oo lava ia te ia ona tali i gaioiga e aafia ai poo le ā lava le matāupu.
Puna o Faamatalaga: https://www.odt.co.nz/star-news/star-national/nzs-top-cop-pulled-over-speeding?
