O le mafui’e malosi e 7.6 i le fua mafui’e, sa lūlū i le itu i Mātū i Sasa’e o Iapani i le te’a o le 11 i le po anapo i le taimi i Iapani ma lapata’ia ai loa tagata uma i lea faaitu ia aga’i ese mai ma lapata’ia foi i se galulolo mo vaega tu lalata i le gataifale.
Ua faailoa e le CNN o nisi vaega o le atunuu na vaaia ai galu maualuluga ma o le faamatalaga mai le ofisa o le vaaitau a Iapani, e oo i le 2-3 futu le maualuluga o galu na maitauina i isi faaitu o le atunuu e pei o Iwate ma Aomori ma Hokkaido.
I nai itula mulimuli ane na toe suia ai le lapata’iga i le tsunami advisory poo fautuaga mo se galulolo.
O loo iai lipoti o tagata manunu’a ma afi na sasao ane i le taimi o le mafui’e ma ua motusia foi le eletise i nisi vaega ma ua faamālōlō ai ma auaunaga tau trains mo nisi faaitu.
O le molimau a tagata i lea faaitu o Iapani, e malosi le mafui’e ma pe silia ma le 30 sekone na lūlū ai.
Puna o Faamatalaga: https://edition.cnn.com/2025/12/08/asia/tsunami-warning-japan-earthquake-intl
