Search
SunGold kiwifruit

Gaoia e Saina le SunGold a Niu Sila

Ua gaoi e Saina le Kiwifruit aulo poo le SunGold a Niu Sila

O lea ua taumafai le Zespri a Niu Sila lea e umia uma aia tatau o le SunGold e taofia le totoina e Saina o lana SunGold

E oo atu I le 5500 eka o Sungold ua toto faasolitulafono nei I totonu o Saina, ma o se faatoaga tele lea pe a faatusa I le na o le 6500 eka o loo totoina I totonu o Niu Sila

O Saina o le maketi aupito I tele lea o loo auina atu iai le Kiwifruit aulo lenei a Niu Sila, ma ua tapena ai le Zespri e sui le sticker o loo faapipii I luga o kiwifruit faasolitulafono a Saina

Peitai e le o le au faifaatoaga uma I Niu Sila lea o loo faatau atu a latou kiwifruit ia Zespri o fiafia I lenei faaiuga, ma o le aso muamua o Iuni lea o le a faapalotaina ai

Tala a le leitio Niu Sila o loo faailoa ai e Carol Ward o le Zespri o loo taumafai nei e faatalanoa le maketi I Saina atoa ma se fesoasoani a le malo

O le toto faanana e Saina o kiwifruit aulo a Niu Sila, ua o se avanoa mo le maketi I Saina e selesele ai I le tausaga atoa mai lenei oloa ma faatau atu faavaomalo, faatusa ia Niu Sila e fua I le fuata

O le SunGold ua silia ma le 50 ma ono tupu atunuu ua oo atu iai, ma o se tasi lenei o oloa e le I mafai e tapu o le Koviti I le amataga o le 2020 na taofia le auina atu I atunuu I fafo

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required