Ua faaleo se finagalo o le susuga Tuilaepa L Sailele Malielegaoi le ta’ita’i o le Itu Agai ma le patī faaupufai e puipuia aiā tatau a tagata, ma ia faailoa e lē tatau ona suia le faiga faavae na amata ai le poloketi o le miliona tala, o le ta’ita’ifono o le sui faipule o le itumalo i le komiti o le Fono Faavae o loo vaaia atoa le faagaioia o atina’e i le itumalo e faaaogā iai tupe mai lea poloketi.
I le fono ma tusitala i le Aso Tofi o le vaiaso nei tasi lea o fesili sa tali iai.
Susuga Tuilaepa Lupesoliai Sailele Malielegaoi o le ta’ita’i o le Itu Agai ma le patī faaupufai o le H.R.P.P.
O le Aso Faraile o lenei vaiaso ua tapunia ai le avanoa o talosaga mai sui uma sa tauva i le faigāpalota tele ia Aokuso mo tofiga ta’ita’ifono o komiti o Fono Faavae.
