Ua faate’ia le to’atele i le oo mai o faamatalaga i le ono liliu ai o le alii taalo o le Brisbane Broncos, Payne Haas mai le lakapi liki aga’i i le iuni lakapi.
Ua avea ai lea matāupu ma tala aupito i mata’utia, ma lauiloa i taaloga ma faagatama i Ausetalia.
Faamauina i lipoti le finau malosi o le R360 e tosina mai manatu o le tele o ‘tagata taaalo iloga i le lakapi liki, e pei ona o latou finauina lo latou maua ai o le alii 24 tausaga.
Māua i lipoti mai le ofisa faasalalau a Ausetalia, e maualuga lava talitonuga o le a filifilia e Payne Haas le iuni lakapi, ona o le telē o le tupe – o le konekarate e na te mauaina pe a talia e 3 miliona i le tausaga, e telē atu nai lo o le 1.2 miliona o loo ia maua mai i le kalapu a le Brisbane Broncos i le taimi nei se’ia pā’ia le tausaga e 2029.
O le mea mata’utia i lenei faamoemoe, afai ae talia e Payne Haas lona liliu ai i le iuni lakapi, o lona uiga e 10 tausaga o le a faasala ai o ia, pe tapu ona ia toe taalo mo le liki se’ia mae’a lea 10 tausaga.
O Payne Haas o se alo o Samoa ua iloga ana taumafaiga i le liki mo le ‘au a le Broncos, aemaise ana taumafaiga i le ofi mai ai i totonu o le ‘au a le Toa Samoa.
O le a maua se aotelega o le faai’uga a lenei alii i le mae’a faatino ai o faatalanoaga ma feutaga’iga e tusa ai ma lea fuafuaga i ni vaiaso o i luma.
Puna o Faamatalaga: https://www.news.com.au/sport/nrl/broncos-weapon-payne-haas-set-for-bombshell-code-switch/news-story/819e6eaa2e717e8e7ef2dd488648bff4
