Search
Floods

Faifaitetele lologa ma tafega i Niu Sau Uelese ma Kuiniselani

E silia ma le 1500 le mamalu o le atunuu ua fautuaina e agai ese mai ma o latou fale I le aso I le setete o Niu Sau Uelese I Ausetalia ona faifaitelele le tatafe o vaitafe ma lologa I le tele o faaitu o le setete.

O le premier Gladys Berejiklian na ia faailoa I le taeao analeila sa faateteleina le le lelei o le tau I le po anapo ma pe a ma le 18 afe I latou na aveesea mai o latou fale mai isi pitonuu ina ua lolovaia atoa o latou faaitu ma faaleagaina fale ma meatotino.

O lea la ua faaopoopo atu isi tagata ia e 1500 I le lisi o I latou ua faatonuina e agai ese ma maota ma laoa ona o puipuiga o le soifua. O le vaitafe o le Hawkesbury faapea le Nepean male Colo river lea o loo mataitu e tagata I le aso ma isi vaii le itu I sasae.

Feagai le vaega o fesoasoani faavavave ma galuega laveai I le po anapo aemaise o le aveesea mai o nisi na poloka I o latou fale ua lilofia I le vai ma ua faigata ona toe agai ifo I luga o alatetele ona ua lilofia I le vai.

Faaaoga vaa ma vaalele helicopter e faia ai galuega fesoasoani atoa ai ma le lagolago ane a tagata mai komiuniti o loo aafia e ala I le lauina o taga oneone e tau talitali ai le vai mai nisi o fale e lei oo lelei atu iai tafega.

Tele maota ma laoa ua motusia mai ai le eletise ma o loo faagasolo pea I le taimi nei galuega fesoasoani ele gata I Niu Sau Uelese ae faapea foi I Kuiniselani.

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required