Ua amata nei su’esu’ega a le auaunaga o malu o le malo, i le maua ai o se tino maliu i se tasi o fale na aafia i le afi i New Lynn.
Faamauina na valaau ane le vaega o tinemū ma faalavelave tutupu faafuase’i i se tuātusi, o le nofoaga i le faaitu o Kohekohe Street poo le toe 7 o minute ona ‘afa lea o le itula e tasi i le aoauli o le aso ananafi.
Ta’ua le iai o se sui o le auaunaga ma leoleo, o loo leoina lea nofoaga se’ia oo mai i le asō, ma ua faaalia le faia o se ta’otoga faapitoa i le tino maliu.
O loo galulue nei leoleo ma ‘ausu’esu’e a le vaega o le tineimū e su’esu’e le māfua’aga tonu na tula’i ai lenei mū.
Ua talosaga ai foi le lautele, e tusa ai ma ni faamaumauga i lea matāupu, ua tuuina mai foi faalaua’itele e le auaunaga a leoleo tulaga uma e faafesoota’i atu ai le ofisa pe afai o iai ni faamatalaga o loo silafia e se isi ina ia lipotia atu, faaaogā ai auala o initaneti, poo le vili atu i le numera e 105 ma faailoa atu le numera o le reference number 251208/6378.
Puna o Faamatalaga: https://www.facebook.com/share/p/1Fe3nT5G8q/
