Ua lata nei i le vaiaso o faasalalau e le Matāgaluega o Tinā ma Tama’ita’i, Atina’e o Afio’aga ma Agafesoota’i o loo vaaia le poloketi o le miliona tala, nisi e talosaga atu mo tofiga Ta’ita’ifono o Fonofaavae o loo faagaioia lea poloketi a le malo.
Peita’i ua faailoa i le faasalalauga a le matāgaluega ua na o tagata sa lesitala o sui tauva o le faigāpalota tele ia Aokuso e agavaa ona tusi talosaga atu.
E lē o faailoaina i le faasalalauga pe o se tasi lea o suiga fou i faiga faavae o le poloketi miliona ae leai foi se faamatalaga pe agavaa ai ma sui tauva sa manumālō ma ua avea nei ma sui faipule o itumalo faapalota e 51.
O le Aso Faraile o le vaiaso ua mavae na amata ai ona faasalalau nisi o le tofiga Ta’ita’ifono ae tapunia i le Aso Faraile o le vaiaso nei.
