Search

Faamuta malaga mamao faavaomalo a le Samoa Airways

Ua ta’ua i se lipoti a le RNZ i le asō ua taofia nei faigamalaga mamao a le kamupani vaalele a Samoa le Samoa Airways a o loma ai le toe tatalaina o tuaoi faavaomalo o le atunuu.  

Ta’ua i le lipoti se faamatalaga a le sui ofisa sili o le Samoa Tourism Authority, Kitiona Pogi e faapea ua lē o toe lele le Samoa Airways i le va o Apia ma Sini, Brisbane ma Aukilani, ae o loo ta’ua o loo faaauau pea malaga i le va o Samoa ma Amerika Samoa. 

I lea lava foi tusitusiga o loo faailoa ai se finagalo faaalia o lē sa ta’ita’ifono o le Fono faatonu a le kamupani vaalele, Muagututia Lafaele Ngau Chun i lona lē fiafia i le tulaga na faamālōlō ai i latou ma nisi o sui o le fono faatonu i le vaiaso talu ai.  

Fai mai a ia i se lipoti i le Samoa Observer e pei ona ta’ua foi i lea lipoti e lei iai se fonotaga na faia poo se mafuaaga e faailoa atu i le faai’uga ua faia ia i latou ae o le vaiaso foi na te’a nei na faailoa ai e le minisita, Public Enterprises, Leatinuu Wayne Sooialo, o le faamālōlō o i latou ia o se vaega o se su’esu’ega na faia e le Komiti faapitoa na tofia e le Kapeneta e iloiloina mataupu a le Samoa Airways. 

Tala sili ona faitaulia

TALA FOU MAI SAMOA

SAMOA UPDATE

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required