Ua folafola manino mai ele Iuni a Europa o le a o latou le polokaina pe faalavelave foi I le aumaia o tuipuipui o le koviti i Ausetalia.

O loo faamoemoe Ausetalia I le tusa male 20 miliona o tui puipui mai le Pfizer lea o loo gaosia mai I Europa.

Sa iai popolega ina nei tulai mai se faaletonu I le mataupu lenei pe faatuai ai ona aumai le tui puipui ona o nisi o aiaiga ua tuuina e le Iuni a Europa I nisi o tui puipui ua auina mai lo latou atunuu agai i isi vaega o le lalolagi.

Peitai la o lea ua manino le folasaga ale Amupasa o le iuni a Europa I le aso, Michael Putch na faia I le leitio faasalalau a le ABC ma faailoa ai o le a taunuu lava e pei ona faatulaga, le sapalai o tui puipui mo Ausetalia.

O loo tumau lava foi le lagolago ale faigamalo a Scott Morrison ile tuipuipui ole Astra Zenneca e ui I nisi o popolega faapea e le aoga tele ile togafitia o le faamai