E ui o le a le lusi pe faamuta le maua e matua I Ausetalia o peimeni o le welfare pe a teena le faia o tuipuipui o le koviti 19 , ae o le a faaauau pea ona apalai tulafono o le no jab no pay, lea e manaomia ai le faia o tui puipui ole fanau.
O le pule o le Services Australia ua ia faamanino lea tulaga Hank Jongen ile polokalame o le Morning Show e faapea o lipoti faapea e faasala tagata pe a mumusu e fai tuipuipui o le faamai, e sese ma e le faamaonia.
Faailoa I lipoti a le ala ata 7 a Ausetalia o le faia o le tuipuipui o le tagata ile faamai o le koviti 19 e I lana lava faitalia ma ua maea ona faamanino mai e le malo lea tulaga.
Fai mai a ia o le itu e le o suia o se manaomiaga o le faia o tuipuipi I lalo o le no jab no pay rule. O lona uiga o matua o tamaiti ei lalo o le tai 20 tausaga le matutua e le faia tuipuipui e ono aveesea mai ai le Child Care Benefit, child care rebate ma le family tax benefit part A ma ua faamatuu foi e le faigamalo a le feterale le faatulagana o le taimi e tatau ai ona faia tuipuipui o tagata I Ausetalia lea e amata atu I le taimi nei seia oo ia Oketopa.
Ua unaia e le Services Australia tagata ina ia fesootai a latou accounts o le Medicare agai I le Mygov ina ia faafaigofie ai le faamautuina ua faia tuipuipui.
