Search
Magistrate Court
Photo supplied

Faalēaogā moliaga o se tamalii Samoa i Victoria Ausetalia

Ua faalēaogāina ai e le faamasinoga i le setete o Victoria i Ausetalia moliaga e fitu, o se tamalii Samoa o loo faigaluega i se tasi o kamupani tele i lea atunuu, o loo autovaa atu iai le to’atele o nisi o tatou tagata Samoa ma faigaluega ai.

O lea matāupu na valaauina faatolu i luma o le Faamasinoga Maualalo i Victoria, ina ua tagi se tamaita’i, o se tagatānuu o Ausetalia, ma faia ni tuua’iga, ua lē faamaoniaina, e faatatau i ni faiga faasolitulafono faafeusua’iga.

O le valaauga lona lua o lenei matāupu, na taofia ai e le Faamasino, ma fautuaina le itu a leoleo, na tula’i mo lē na tagi, ina ia vaaia se isi loia e tu to’atasi, ina ia ave se fautuaga faaletulafono i lē ua tagi, ina ua maua i faamaumauga a le loia na tula’i mo le alo o Samoa, se popolega i le molimau, a lē na tagi.

1. Na faamaonia ai le lē faatuatuaina o ana faamatalaga, 

2. O lona olegiaina o le faamasinoga mamalu i ni ana tali, na tetee ai, peita’i o loo iai le sootaga o lana tagi, ua feteena’i ai ma aiaiga o le tulafono, i lona sainia ai o ni pepa e maua ai alagātupe mai se inisiua (work cover), ae o loo faaauau lava ona faigaluega, ma fai lana pisinisi.

Ina ua fesiligia e le loia na tula’i mo le alo o Samoa, na tali lē o loo tagi, na te lē o maua se tupe mai ana galuega. 

Na talosaga le loia a lē o loo molia, mo se faatagana e talia ai tala’aga o tusitupe (bank statement) a lē na tagi, ma faamaonia ai alagātupe na totogi ai, mai galuega sa ia faatinoina, ae sa lē tatau ona ia faatinoina ni galuega, ona o loo faaauau lava ona totogi e lana inisiua, e māfua i lana tagi e ala i tuua’iga na ia faailoa ai, ua aafia ai ona lagona, lē maua ai se moe, lē maua ai se filemu o le mafaufau, ma ua aafia ai lona lumana‘i i ni galuega e ono faatinoina, aemaise le va o ia ma lana paaga, lana fanau, ma lona tinā.

I le valaauga mulimuli o lea matāupu, ua faalēaogāina uma ia moliaga, faasa’olotoina le alo o Samoa na molia i le i’uga a le faamasinoga, ma ua faailoa e le loia a lē na molia, o le a faila se su a lea alo o Samoa, ona o le ta’uleagaina o lona tamali’iga, ma le aafia o lona lotoifale, i lona to’alua, fanau, ma lona aiga, ona o ni mafaufauga fatu, ma talafaatupu, ua le faamaonia i luma o le faamasinoga.

Ua poloa’iiga foi e le faamasinoga le itu a leoleo, ina ia silasila toto’a mo se su’esu’ega, e ala i se faiga faasolitulafono a lē na tagi, i lona faaaogāina o tupe o inisiua i se tulaga e solitulafono.

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Tala sili ona faitaulia

Keep uptodate with Radio Samoa activity & promotion

* indicates required