Faaaoga potu avanoa o nofoaga faanofoesea e aumai ai tagata galulue faavaitaimi

Ua augani le pulenuu o Otago I le malo e aumai nisi tagata galulue faavaitaimi latou te faaaogaina avanoa I nofoaga faanofoesea

O lea ua tuuina atu le tusi a le pulenuu ia Tim Cadogan i minisita o faatoaga ma le vaega o femalagaiga I le mafatia o loo ui  ai pisinisi fai faatoaga I Otago ona o le tele o le fua o faatoaga ae ua leai ni tagata faigaluega

O lea talosaga e le gata o loo popole I le maumau o le fuata le palasi, a’o le le toe teuina foi o le faatoaga e tapena ai le isi seleselega I le tausaga fou

Ae I le tali mai a le minisita o femalagaiga, Kris Faafoi I tala a le Stuff, e fai foi o le fia aumai o tagata faigaluega faavaitaimi ao le toe faafaigata ona faafoi I aiga o faamuli mai atunuu mamao ona o tapu o le Koviti

O le saunoaga lea a le minisita e foliga mai e le o iai se faamoemoe mo le au fai faatoaga mo lenei fuata, pei ona taua ai e Faafoi ua tatau nei ona autilotilo I le lumanai mo le isi aufaigaluega mo le tau mafanafana

Saunoa ai ma le minisita, o loo faamoemoe foi le tele o faaiuga a le malo I le faia o tui o le Koviti I atunuu Pasefika o loo aumai ai tagata faigaluega faavaitaimi

Leave a Comment

Your email address will not be published. Required fields are marked *

Keep uptodate with Radio Samoa activity & promotion

* indicates required