Ua lipoti mai nei le tele o matāupu e aafia ai gaioiga o le faaoolima e tula’i mai i Grey Lynn Park; e aafia ai nisi o tagata lautele e aga’i atu mo tafaoga ma savaliga.
Faamauina o loo masalomia o ni tupulaga talavou o loo faatinoina ia soligatulafono.
Lipotia mai e le New Zealand Herald, e 30 tausaga le matua o se tama’ita’i na faate’ia o ia i le tu’i ai e se tasi o talavou o lona manava, a o iai i lalo o se laau, o loo faasavili ma mapu ai mo se taimi.
Faamatala e lē na aafia, e to’atolu ni talavou na aga’i atu ia latou uila vilivae ma le tasi sa tauaveina le e-scooter ma i lana maitau ai o i latou e 14 aga’i i le 16 tausaga le matutua.
I nisi o lipoti, na māua ai foi, o nisi o matāupu e aofia ai ni paluni e tumu i vai (water ballons) ua tau’ai ai se tasi o tama’ita’i a o faitau sana tusi i le paka, ma se alii na aafia ina ua fana e i latou nei i ni mea faapāpā poo fireworks.
O loo faamaonia mai le faasolo ai o su’esu’ega a leoleo i lenei matāupu, ma ua fautuaina malosi ai molimau, poo nisi ua aafia i nei gaioiga ina ia faafesoota’i atu lo latou ofisa.
Faaalia e tagata o lea faaitu ua tauāu ina lē toe fia aga’i nisi i le paka, ona o popolega i le ono aafia ai i nei faaoogalima.
Puna o Faamatalaga: https://www.nzherald.co.nz/nz/auckland-parkgoers-alarmed-after-series-of-alleged-teen-attacks-in-grey-lynn-park/
