E to’a 21 tagata na ave i le falema’i e faia ai togafitiga ina ua mānavaina le kasa o le carbon monoxide na liki ane mai se fale gaosi oloa i le itu i Sisifo o Melepone.
Fai mai le 9News na taunuu atu le vaega o le tineimu ma iloa ai tagata e to’a 60 ua aveesea mai lea nofoaga ma o le to’atele na aafia ina ua mānavaina lea kasa.
O le aoauli ananafi na tupu ai le faalavelave ma faavave atu ai loa le to’a 21 o i latou i le falema’i mo togaftiga.
Sa faatino galuega a le fuimu i le falegaosi oloa ma i le mae’a o le itula mulimuli ane na faailoa ai ua maua le vaega na liki ane ai le kesi, o se masini e faaaogā mo le teuina o le meat, aano manufasi ma o le ituaiga kasa lea carbon monoxide e ono telē se aafiaga i le soifua o le tagata pe a mānavaina.
O loo faagasolo le su’esu’ega a le Worksafe i le aso i le nofoaga na liki ane ai le kasa.
Puna o Faamatalaga: https://www.9news.com.au/national/melbourne-derrimut-benn-court-pork-processing-factory-carbon-monoxide-leak/0f0e82d0-7bfc-4a1b-9f4d-4df5e7536b9c
