O lē sa avea ma Palemia o le Atu Kuki ma o le failautusi aoao foi o le Pacific Islands Forum o Henry Puna, ua toe tofia nei e avea ma Peresetene o le patī a le Cook Islands Party, le CIP.
O le patī foi lea a le Palemia o iai nei o Mark Brown lea o loo avea nei ma ta’ita’i o le vaega faaupufai.
O le toe foi la o Puna i le Executive o le a sui tulaga ai ia Tiki Matapo lea sa umia mai lea tofiga o le patī i tausaga ua te’a.
O le suia la o le Peresetene ua faatino ai faifai pea popolega i le mafutaga a Niu Sila ma le Atu Kuki lea na i’u ina taofia ai lē tumau le fesoasoani e $18.2 miliona Niu Sila i le atina’eina o le Atu Kuki.
Fai mai la o le isi lea tofiga autū o le Peresetene o le patī o le faamautūina lea e galulue faatasi ma le ta’ita’i o le patī faapea le Palemia e aveese le atunuu mai tulaga lamatia ma ia faamautūina.
Puna o Faamatalaga: https://www.rnz.co.nz/international/pacific-news/568231/henry-puna-returns-as-president-of-cook-islands-party
