Mo le silia i le 80 tausaga e le’i faalauiloaina lava ma faamatalaina le tala e faatatau i le silia ma le 80 o tagata o le Atu Kuki sa tau i le Taua Lona Lua a le Lalolagi, peita’i ua faailoa i lipoti i le vaiaso nei ua faamaonia nei le agavaa o i latou ia e to’a 85 mai le Atu Kuki e maua pine taualoa o le taua mai le vaega o le puipuiga a Niu Sila le NZDF ma ua faaleoina ai le fiafia o nai o latou aiga.
Fai mai na iloa ia faamaumauga i le su’esu’ega sa faia i le online database poo faamaumauga i luga o upega tafa’ilagi o loo faamauina ai fitafita mai le Atu Kuki.
Na maua ai i ia su’esu’ega le iai o mea sesē i faamaumauga aloa’ia na māfua ai ona lē tauaaoina pine taualoa ia mo nai fitafita nei i le tele o tausaga ua mavae.
O le tama’ita’i o loo faauluulu iai le su’esu’ega lenei o Cate Walker na malaga ane i Niu Sila e faaauau ai le sa’iliga ma iloa ai lea tulaga ma ua ia faamatala o se galuega ua eseese ai faalogona, mai loimata o le faanoanoa, i le faate’ia aemaise o le agaga mitamita ina ua alia’e ia faamaumauga ma iloa le faaletonu sa noatia ai le maua e nai fitafita ia o a latou pine mo le tautua sa ofoina i le taimi o taua.
Fai mai le ausu’esu’e ua na o se amataga lenei o a latou sa’iliga ina ia faamautinoa e lē o galo i tagata le tautua ma soifua na ofo e nai nei tuaa mo le tautuaina o atunuu aemaise o le leoina o le Pasefika.
Puna o Faamatalaga: https://www.rnz.co.nz/international/pacific-news/581184/nzdf-confirms-medals-for-85-cook-islands-wwii-veterans-after-decades-of-denial
