Ua silia i le 1,100 tagata ua maliliu i aafiaga o afā ma lōlōga i le Atu Asia.
O le lipoti aupito lata mai a le CNN ua faailoa ai o le mamafa o timuga ua afua ai lōlōga ma sologāeleele ma ua maliliu ai se vaega tele o tagata.
Fai mai lipoti e faitau miliona tagata ua aafia i le mamafa o timuga ma lōlōga ma e tele mea ua faaleagaina i vaega o Indonesia, Thailand ma Meleisia.
O Sri Lanka foi sa aafia i se storm ma o loo tetele foi aafiaga i le atunuu atoa.
O loo faaauau le galuega fesoasoani ma le lavea’i i nisi o loo tau sa’ilia ma tanumia i sologa eleele.
O nisi o videos ma ata ua agiga i luga o upega tafa’ilagi ua faailoa ai le ogaoga o aafiaga o le tau i le Atu Asia.
Fai mai leoleo pe ā ma le 2.8 miliona tagata ua aafia i uiga loulouā o le tau, ma e pau le itu e faafetai ai le to’atele o le faasaoina o le ola e ui i le tele o mea ua faaleagaina.
Puna o Faamatalaga: https://edition.cnn.com/2025/11/30/asia/flooding-senyar-ditwah-indonesia-malaysia-thailand-intl-hnk
