O le mae’a o le vevesi e 4 aso i le va o Pakistan ma Initia i le masina nei e manatu itu uma e lua e manumālō uma i le matāupu lea peita’i e iai lipoti ua agiga e aofia ai Saina ona o le manatu o nisi o le faaaogāina e Pakistan o a’upega mai Saina e tali ane ai i osofa’iga a Initia, ua atagia ai le tulaga lelei o ia a’upega aemaise le faaaogā ai o le tomai faaonaponei pei ona faaaogā e Saina.

Fai mai se tasi o polofesa mai le Kings College i Lonetona, o loo tālia faamaoniga pe moni faamatalaga na sili atu le malosi o vaalele mai Saina na faaaogā e Pakistan i le vevesi lea nai lo vaalele a le Ea Fosi a Initia.

O le faamatalaga la a nisi o tagata su’esu’e e foliga mai e moni e manatu Pakistan ma Initia o loo tau fai manumālō uma i le vevesi na tula’i mai, ae a silasila toto’a i le matāupu e foliga o Saina e aupito sili ona manumālō i le tulaga lelei o ana a’upega ma le tomai.

O Pakistan o se paaga a Saina o loo inivesi iai le silia ma le 50 piliona a Saina e faaleleia ai ona si’omaga i lalo o se maliega e faaigoa o le China-Pakistan Economic Corridor.

Puna o Faamatalaga: https://www.bbc.com/news/articles/c1w3dln352vo