Ua iai se campaign fou ua faaigoaina o le Vaine Toa ua amatalia nei ina ia una’ia le faia o siaki o susu o le itupa o tamaitai Pasefika.

Saunoa Lisa Te Paiho o le Breastscreen Aotearoa, o loo iai ni pa puipui o loo taofia ai tamaitai Pasefika mai le faia o nei siaki, ma e aofia ai i ia pa puipui tulaga tau femalagaa’iga ma tulaga tau tupe.

O le faamatalaga mai le faalapotopotoga lea ua ta’ua ai ua fuafua e tatau ona oo atu i le 70 pasene o tamaitai uma e agavaa mo le faia o ia siaki, e aga’i uma ane i lea taumafaiga o le a faia i le atunuu atoa.

O le kanesa o le susu o le kanesa aupito taatele lea e aofia ai tamaitai i Aotearoa ma e silia ma le 3 afe tamaitai e aafia ai i tausaga ta’itasi.

O le faamatalga mai le NZ Breast Cancer Foundation ua una’ia ai tamaitai ia fai siaki aemaise i latou ua ausia le ta’i 40 tausaga ma sili atu.

Puna o Faamatalaga: https://www.rnz.co.nz/international/pacific-news/564229/new-campaign-aims-to-encourage-more-pasifika-women-to-get-breast-screening