Ua savalia ai nei le lima vaiaso talu ona tatala se isi auaunaga tau falemaliu i le motu tele i Salafai, o se auaunaga e tau mamao ma itumalo i Sisifo o Salafai.
O lea ua sili ona latalata lea auaunaga i nuu ma afio’aga o itumalo o le Vaisigano, Falealupo, Salega, ma le aga’i ane i le itumalo o Palauli Tasi.
O le Savaii Funeral Services o se taumafaiga a le susuga Motuopuaa Seve Henney Afereti Papalii na ia faaalia e fā tausaga o tapena ma fuafua.
O se tasi lea o tapenaga a le malo i le Paea’iga 17 a le Palemene o le faaleleia o falemaliu o loo i Tuasivi, e ese mai i se isi auaunaga faapea o loo i le itumalo o Faasaleleaga.
Peita’i o lea ua iai nei le falemaliu muamua i le faaitu pito mamao o Savaii e latalata foi iai nuu ma afio’aga o le itumalo o le Gagaifomauga.
Se faatalanoaga ma le afioga i le Faipule o Vaisigano Numera 2 le afioga Motuopuaa Seve Henney Afereti Papalii o le pule o le Savaii Funeral Services.
