Ua aga’i atu nei sui o le Tineimu ma le Fesoasoani Muamua (Fire & Emergency New Zealand) i le faaitu o Tasman o Niu Sa Uelese i Ausetalia e tuu atu se tau’au fesoasoani i le pagātia ua iai lea faaitu ona o lologa tetele ua aafia ai. 

I lipoti mai le leitio faavaomalo a Niu Sila, ua tali atu le FENZ ina ua o latou taulimaina se talosaga mai le latou paaga i Niu Sa Uelese mo se fesoasoani. 

E to’alima tagata ua maliliu ma ua silia ma le 10,000 tagata ua leai ni fale.

Ua faamauina i lipoti i le taeao nei, o sui e to’aono mai Niu Sila o le a galulue ma nisi e fesoasoani atu e fesoota’iga ma fetuuna’iga o galuega faatino poo liaison officers, ae faatumauina le galulue o sui o le tineimu a Ausetalia e lavea’i mai le to’atele ma ē o loo moomia le fesoasoani. 

Ua faaalia popolega o le auaunaga o lavea’i, e lata i le 10,000 fale ma pisinisi ua matua’i faaleagaina ma le lata i le 30,000 aiga e lē o mafai ona oo atu iai le tele o fesoasoani.

Puna o Faamatalaga: https://www.rnz.co.nz/news/national/562107/kiwi-with-history-of-armed-kidnappings-carjacking-home-invasion-to-be-deported-from-australia